గోవిందపల్లి మెట్ట సమీపంలో ఘోర రోడ్డు ప్రమాదం

నంద్యాల జిల్లా సిరివెళ్ల మండలం గోవిందపల్లి మెట్ట సమీపంలో మంగళవారం ఘోర రోడ్డు ప్రమాదం జరిగింది. రుద్రవరం నుంచి నంద్యాల వైపు వెళ్తున్న ఆర్టీసీ బస్సు, కామరాజనపల్లె రోడ్డువైపు వెళ్తున్న పెద్దసిద్దయ్య ప్రయాణిస్తున్న మోటార్‌సైకిల్‌ను ఢీకొట్టింది. ఈ ప్రమాదంలో పెద్దసిద్దయ్య తీవ్రంగా గాయపడ్డారు. స్థానికులు వెంటనే స్పందించి ఆయనను ఆసుపత్రికి తరలించారు. సమాచారం అందుకున్న సిరివెళ్ల పోలీసులు ఘటనాస్థలానికి చేరుకుని కేసు నమోదు చేసి దర్యాప్తు చేపట్టారు.