హక్కుల సాధనకు ఈనెల 12న ‘చలో కలెక్టరేట్’: APWJF

నంద్యాల: జర్నలిస్టులకు ఇళ్ల స్థలాలు, రక్షణ చట్టం, రైల్వే పాసుల పునరుద్ధరణ మరియు సంక్షేమ నిధి అమలు చేయాలని డిమాండ్ చేస్తూ ఈనెల 12న ‘చలో కలెక్టరేట్’ చేపడుతున్నట్లు APWJF జిల్లా అధ్యక్షుడు మద్దయ్య యాదవ్ తెలిపారు. శనివారం జరిగిన జిల్లా కార్యవర్గ సమావేశంలో ఆయన మాట్లాడుతూ.. సమాజం కోసం శ్రమిస్తున్న విలేకరుల సంక్షేమాన్ని ప్రభుత్వం విస్మరిస్తోందని, ఈ పోరాటంలో జర్నలిస్టులంతా పాల్గొనాలని పిలుపునిచ్చారు. ఈ కార్యక్రమంలో APWJF, ఏపీ బీజేఏ ప్రతినిధులు, సభ్యులు పాల్గొన్నారు.